bimus, prope absunt. Praestat, in quaerendis temporibus, modo fides, spes, amor in corde palmam obtineat, quam plurimum conari et rideri, (Gen. 37, 49.) quam cum fortibus mundi spiritibus paradoxa monita contemnere, et rerum eventibus opprimi, Dan. 2, 34. 45. coll. Matth. 22, 44. fin. vel eventus etiam pristinos, Judaeorum more, identidem exspectare. Maledicunt Judaei, tempora Messiae calculan- tibus: Apocalypsis benedicit bonis auditoribus prophetiae, propinqui- tatem temporis et tempora interim calculanda complexae. Interpre- tationum quidem luctuosa varietas quotidie crescit: unde multorum oculis quaedam quasi nebula offunditur, ut veritatem, liquido pro- positam, vel minus, quam figmenta speciosa, vel certe non magis admittant. Non desunt tamen adjumenta intelligentiae omnibus qui recte iis utuntur, spem intelligendi non abjicientes.
I. Fundamentum est, textus sincerus, ex optimis monumentis restitutus.
II. Articulatissimus est hic liber: res multifarias per septenas epistolas, sigillas, tubas, phialas digerit: quemlibet de hisce septe- nariis, in quaternarium et ternarium dividit: multa ipse interpreta- tur, declaratque, quid sint septem stellae; septem candelabra; Agnus, ejusque cornua septem et oculi septem; thymiamata; draco; spiritus tres, ranarum instar; capita bestiae et cornua; aquae, ubi sedet me- retrix; byssinum; testimonium Jesu; mors secunda; Agni uxor. Formulas nobis praebet opportunissimas: vae primum abut etc. nu- merus hominis: mensura hominis, quae est angeli. etc.
III. Juvat etiam collatio prophetarum veterum, et praedictionum Jesu et apostolorum in ceteris libris N. T. plurimum vero ipsius literae apocalypticae evidentia, et cum tropis propheticis contempe- rata proprietas. Hoc ipsum aliquanto uberius declarabimus.
4) Complexus est Dominus Jesus in Apocalypsi Reliquum ve- teris prophetiae, quod attinet ad tempora ascensionem ejus et adven- tum Paracleti, finemque Judaismi subsequentia. Itaque a veteri Je- rusalem ad novam Jerusalem pertingit liber, omnibus rebus in unam summam concinnumque ordinem redactis; magnamque eum prophe- tis antiquis habet similitudinem. Exordium et conclusio congruit cum Daniele: cum Esaja, descriptio Filii maseuli et promissiones Sioni datae; cum Jeremia, judicium Babylonis: rursum cum Daniele, Je- remiam secuto, determinatio temporum; cum, Ezechiele, Esajam se- euto, architectura urbis sanctae; cum Zacharia, emblemata equo- rum, candelabrorum etc. Ex illis prophetis multa per eos copiosius deseripta, nunc summatim repetuntur, iisdem saepe verbis. ad illos igitur respiciendum. Habet tamen Apocalypsis avragxecay quandam, et ipsa ad sui interpretationem suflicit, etiamsi. veteres prophetas, ubi de iisdem rebus loquuntur, nondum intelligas; imo ad intelligen- dos illos filum praebet. Saepe etiam sub similitudine Apocalypseos et veterum prophetarum latet quaedam dissimilitudo, stirpemque a pristino aliquo propheta sumit Apocalypsis, novum ei calamum inse- rens. v. gr. Oleas duas habet Zacharias ; habet etiam Johannes, sed alio significatu: Bestiam decem cornuum habet Daniel; habet etiam Johannes, non eodem plane significatu. Hie differentia verborum, emblematum, rerum, temporum, studiose debet observari. Sed et multum juvat Tabernaculi per Mosen erecti et descripti ratio. nam